La vìdua vìdue

• N’alda festa granne iève chèdde de la vidua vidue ca se facève la dì de l’Asscenziòne.
  De prima matìne le bbanne scèvene senànne pe le strate. Pò le crestiàne se ne scèvene ci sop’a la meràgghie du Fertìne a la vì de Sanda Scolàsteche, ci sop’a le scògglie sotte a la meràgghie e o muèle vècchie.
  Le trainèdde de necèdde, de gazzòse, de lemenàte, de spassatìimbe scèvene nnanze e ddrète vennènne le cose lore: “Addòrene m-mocche l’amìnue”; “Amìnue mbernàte, l’ amìnue!”; “A bbèvere cch’è ggilàte, la gazzòse!”;
• E u-òmmene de le fechenìnne: “GGelàte, uaggnùne ggelàte, come a la nève stonne, uaggnùne”. O mmègghie arrevàve sop’o muèle vècchie la breggessiòne da la Chièsia Madre (u Peschepì).
  U saciardòte benedescève u mare e ppò sparàvene ttrè ccolpe de cannòne do Fertìne pe pegghià nu mbressàgglie ca stève sop’àcque e iève fatte da nu renzère bbiànghe. Ndra nu colpe e u-alde passàve nu cèrte tìimbe e le crestiàne come sendèvene u colpe, decèvene: “La vì, la vì?” – pe ddìsce: “La vì, la vì la palle du cannòne?”. E pe cchèsse ngòcch’e speretùse acchemnenzò a dìsce “la vidue, la vìdue” e se ne scì La vidua vidue.
  U m-brèssàgglie nom menève ma pegghiàte. Pe cchèsse se decève ca se sparàve a ccolpe de canìgghie e ce se pegghiàve u-mbressàgglie avèven’a seccète uà.