U-andìche masce de BBare

Andicamènde a BBare la prime de masce se facève fèste non zole chèdda dì, ma pure u rèste du mèse. Ce facèvene?
Uaggnùne de fore e cchidde ca facèvene le pausì ca non zapèvene lèsce e scrive, pegghiàvene na còcchie de uève e nge mettèvene sope fettùcce coloràte, fiùre, nnastre, ramàgghie d’auuì, spìche de grane e cambanèddre.
Acchesì chembenàte e che le senatùre apprìisse, scèvene pe le càsere de le crestiàne candànne le senìitte de bbuène allègre e de bbuène agùrie pe la raccolde e acchesì abbesckuàvene la cambàte.
Chèdde ca candàvene la mbrevvesàvene tanne tanne e nom barlàvene taggliàne, ma barèse. Le pausì ièvene fatte n-guartìne e che l’ottàva rime.
E cchisse cande e mmùseche se facèvene pe ttutte le dì du mèse.
Come se vète, la pausì popolàre che la parlàta barèse nonn è da mò c’av’acchemenzàte.
Ce velìte sciàdeve a llèsce Ciacìinde GGìimme: “L’èdè de la stòrie de l’Itàgglie letteràte”, e petìte vedè ca prime du 1723 a BBare le “maggiolàte” e le mattenàte se facèvene a fucòne.
Se decève: “Masce, Adàsce./ Masce,/ Addò te culche iàcchie u u-àsce. /
Masce,/ Fà come te piàsce./ Masce,/ Spùugghiete adàsce./.