San Gesèppe

Ndratànde menève San Gesèppe.
Le uaggnùne se scherzuàvene le mane percè le màmmere chèdda dì facèvene le zèppre e le frìttue.
Le chidde, ca scèvene pe la tèrre vennènne, pertàvene u fennìne.
Le venneròle le vennèvene a la vanga lore nzìime che le sgaggliòzze, le lepìne, le popìzze, cìggere e semìinde e ttand’alde cose.
La sère pò oggn’e iùne mettève u stèzze de la liòne sò o ngocch’e sarcenìidde e se facève nu bbèlle mendròne de liòne. Arrevàte a nu cèrte momènde, se mettève fuèche. Le vambe acchemenzàvene a salì en àrie. Le fascìdde vuàvene da ddò e da ddà.
Le uaggnùne zembàvene da na vanne all’alde, facènne u sguàrre che le gamme.
E ttutte le sedetùre de nnanze a ccudde fame s’aunesscèvene oggn’e iùne decève la sò.
Cèrte volde assèvene fore rìsce percè, come u ffuèche acchemenzàve a ffernèssce, stève nguàcch’e ccapa gloriòse ca pegghiàve le trainìídde mbèsue o le ngassciàte de le traiènnere ca remanèvene rènza rènze o marciappìite che le sdanghe annaruàte, e le mettèvene o ffuèche.
Tande volde se pegghiàvene le mènze porte de le pertùne de la veldàte de le casre lore, e pure chisse mettèvene o ffuèche.
Le crestiàne pò pegghiàvene u scalfalìitte, la frascère e l’aggnèvene de ffuèche e se le pertàvene iìnd’a le casre loro pe devozziòne.